Kanaouennoù ha rimadelloù evit ar vugale

01 décembre 2009

Ur ger a-raok ...

Degemer mat deoc'h holl !!!

Setu ul lec'h evit eskemm hon traouigoù evit kelenn e brezhoneg ... klasket em eus urzhian an traoù (dre liveoù / temoù / ... ) michans e vo mat evel-se evidoc'h ivez ! Gallout a rit implijout an "tag" evit klask traoù diwar-benn temoù resis, klask a ran urzhian an traoù evit bezan efedus !

Lakaet em eus aman pezh em eus kavet barzh levrioù all (pa oaran pelec'h eo bet kavet an traoù, peogwir, a-wechoù, ne oaran ket!), neuze em eus skrivet anvioù ar re o doa graet al labour a-raog (ma eo ret din diverkan, gall' rin ober : n'eus nemet lâr din !) :  Maryvonne Berthou, Naïg Rozmor, Jakez Ar Borgn, Goulc'han Kervella, Mona Jaouen, Jean-Luk Roudaut, Yann-Baol An Noalleg, Liliane Gloasguen

 ... hag all sur a-walc'h !

("Chut, chut, chut, selaouit adarre" MB, NR, JAB ha GK , "Rimadelloù evit ar vugale" YBAN, "Rimadelloù Traon Kerne",  "Livioù ar Bed" JLR, "Kanit Bugaligoù" MJ, ...)

 

Ouzhpennan a rin tresadennoù graet ganin pa mo un tamm amzer (ouzhpennet e vo tamm a tamm neuze, dre pezh mo implijet er skol ivez !) ... hag ouzhpennit c'hwi ivez pezh a anavezit, evit implijout an dra-man evel un ostilh-gwir !!! 

- titl al lec'hienn-man evit mont e-barzh

- kanaouennoù evit ar ger tremen ...


Digarezit ma chom fazioù : n'em eus ket c'hoant koll amzer evit adlenn ...

chom a raio traoù iskis marteze a-wechoù ...


Ha plijadur deoc'h holl evit beajin war al lec'hienn-man !

 

Posté par tridienn à 20:16 - Permalien [#]


Ar c'horf

Troig mezv, bodig glas,

An hini a zello dreist ar vaz

An hini a zello dreist e skoaz

A vo ruilhed gant ar waz.

 

An hini a zello dreist e gein

A vo ruilhed gant ar vein.

 

Posté par tridienn à 21:15 - - Permalien [#]
Tags :

02 décembre 2009

Ur fri ledan

 

Ur fri ledan 'zo gant Jakez,

Ledanañ fri ar barrez,

Ur fri ledan 'zo gant Jakez

Ur fri da zaourañ patatez.

 

Ur fri hir a zo gant Paol,

Hirrañ fri ar bed holl,

Ur fri hir a zo gant Paol

Ur fri da fourrañ kaol.

 

Jakez

 

Posté par tridienn à 12:34 - - Permalien [#]
Tags :

Ar c'horf

 

Poum, poum, poum, ar penn,

I, i i, ar fri !

Ou, ou, ou, ar genou !

Oua ! Oua ! Ar skouarn !

A! …..... al lagad !

Trot ! Trot ! Trot ! An troad !

Dou ! Dou! Dou ! An dorn !

Oñ ! Oñ ! Oñ ! Ar blev !

 

Maryvonne

 

Posté par tridienn à 12:35 - - Permalien [#]
Tags : ,

Rimadell ar c'horf

 

Piv ra unan ? Me ma unan.

 

Piv ra daou ? Divskouarn Laou.

 

Piv ra tri ? Daoulagad ha fri.

 

Piv ra pevar ? Daoulin, daouilin me lâr.

 

Pir ra pemp ? Ar bizied din !

 

Piv ra c'hwec'h ? Divfron, divc'harr, divrec'h.

 

Piv ra seizh ? Toulloù ar penn, kostez ha kreiz !

 

Posté par tridienn à 12:36 - - Permalien [#]
Tags : ,


c'hwezan

 

C'hwez an te hag ar c'hafe

A zo gant merc'hed Landerne ;

 

C'hwez an tiñ hag ar roz gwenn

A zo gant merc'hed Lesneven ;

 

C'hwez ar bezin hag ar brug

A zo gant merc'hed Telgruc ;

 

C'hwez ar bezin hag ar mor

A zo gant merc'hed an Arvor.

 

Posté par tridienn à 12:37 - - Permalien [#]
Tags :

Dall, mut, pe vouzar

 

Gwelout a ran gant ma daoulagad,

 

Nemet dall e vefen !

 

Klevout a ran gant ma diskouarn,

Nemet bouzar e vefen !

 

Kaozeal a ran gant ma teod,

Nemet mut e vefen !

 

Maryvonne

 

 

Posté par tridienn à 12:39 - - Permalien [#]
Tags : ,

Ar yarig (c'hoari mouchig-dall)

 

Doupa ! Doupa ! Gant ar gelienenn :

E peseurt dorn emañ ar spilenn ?

Pe en dorn dehou, pe en dorn kleiz ?

Em skouarn, eme ar bleiz.

 

Posté par tridienn à 12:40 - - Permalien [#]
Tags :

Gutu Gutu, Mari Spilhoù

 

Gutu Gutu, Mari Spilhoù,

Pelec'h emañ ma spilhoù ?

 

Pe en dorn kleiz,

Pe en dorn dehoù,

Peseurt dorn az po ?

 

Posté par tridienn à 12:41 - Permalien [#]
Tags :

Ar biz meud

 

Ar biz meud ouzh ar biz meud,

Pehini an hini kreñvañ ?

Hini ebet, genaouog,

Heñvel poch int o daou !

 

Ar biz yod ouzh ar biz yod,

Pehini an hini sotañ ?

Hini ebet, genaouog,

Heñvel mat int o daou !

 

Ar biz bras ouzh ar biz bras,

Pehini an hini brasañ ?

Hini ebet, genaouog,

Heñvel mik int o daou !

 

Ar biz gwalenn ouzh ar biz gwalenn,

Pehini an hini treutañ ?

Hini ebet, genaouog,

Heñvel buhez int o daou !

 

Ar biz bihan ouzh ar biz bihan,

Pehini an hini bihanañ ?

Hini ebet, genaouog,

Heñvel poch int o daou !

 

Maryvonne

 

Posté par tridienn à 12:43 - Permalien [#]
Tags :